विद्यालय स्वास्थ्य तथा पोषण सप्ताह मनाउने सम्बन्धी सूचना

शिक्षा विकास तथा समन्वय इकाइहरूलाई विद्यालय स्वास्थ्य तथा पोषण सप्ताह मनाउने सम्बन्धी सूचना:

नेपाल सरकार, स्वास्थ्य तथा जनसङ्ख्या मन्त्रालय, स्वास्थ्य सेवा विभाग परिवार कल्याण महाशाखा, पोषण शाखा, टेकु, काठमाडौँबाट सञ्चालित विद्यालय स्वास्थ्य तथा पोषण कार्यक्रमअन्तर्गत २०७६ जेठको पहिलो हप्ता (१ देखि ७ सम्म) कक्षा १-१० सम्मका सामुदायिक तथा संस्थागत विद्यालयका विद्यार्थीहरूलाई जुकाको औषधी वितरणसहित स्वास्थ्य तथा पोषण सम्बन्धी विभिन्न क्रियाकलापहरू सञ्चालन भइरहेको हुँदा देशका ७५३ ओटै पालिकाहरूमा विगतका वर्षहरूझँ चालु आर्थिक वर्ष २०७५/०७६ मा पनि परिवार कल्याण महाशाखाको प्रदेश र पालिकास्तर को कार्यक्रम सञ्चालन निर्देशिकामा उल्लेख गरिएअनुसार कार्यक्रम सञ्चालनका लागि आवश्यक समन्वय गरिदिनुहुन भनी लेखी आएकाले उपरोक्त अनुसार त्यहाँ इकाइहरूबाट आवश्यक समन्वय गरिदिनुहुन अनुरोध छ ।

द्रष्टव्य : गत फागुन र चैतमा 'एमडिए अभियान' कार्यक्रमअन्तर्गत जुकाको औषधी वितरण गरिएका जिल्लाहरूमा जुकाको औषधी खुवाउन्‌ नपर्ने ।