नेपाल सरकार शिक्षा, विज्ञान तथा प्रविधि मन्त्रालय, शिक्षा तथा मानव स्रोत विकास केन्द्र
बार्षिक प्रगति विवरण पठाउने सम्बन्धमा सबै प्रदेश सामाजिक विकास मन्त्रालय/ महानगरपालिका /उपमहानगरपालिका/ नगरपालिका/गाउँपालिकाहरुलाई अनुरोध:
आर्थिक बर्ष २०७५/०७६ मा सम्पादन भएका देहायका कार्यक्रम अन्तर्गतका क्रियाकलापहरुको प्रगति विवरणका आधारमा यस केन्द्रले एकिकृत प्रगति विवरण तयार गरी शिक्षा, विज्ञान तथा प्रविधि मन्त्रालय र विकास साझेदारहरु समक्ष आर्थिक बर्ष समाप्त भएको एक महिना भित्र सम्प्रेषण गर्नु पर्ने भएकाले तहाँ मन्त्रालय/पालिकामा बित्तीय हस्तान्तरण भएको सशर्त अनुदानबाट कार्यान्वयन भएका कार्यक्रमहरूको आब २०७५/७६ को तेश्वो चौमासिकको प्रगति प्रतिवेदन आर्थिक बर्ष समाप्त भएको १० दिन भित्र म.ले.प.फा.नं. २७५ को अनुसूचि- ७ तथा तपशीलको ढाँचामा तयार गरी यस केन्द्रमा पठाइदिनु हुन अनुरोध छ । साथै तहाँबाट विकास भएका शिक्षा सम्बन्धी नीति, योजना, कार्यक्रम, कार्यविधि, प्रतिवेदन लगायतका सामग्री नियमित रुपमा यस केन्द्रको इमेल ठेगाना education.interaction@gmail.com मा प्राप्त हुने गरी पठाइदिनु हुन समेत अनुरोध छ ।साथै सबै शिक्षा विकास तथा समन्वय इकाईहरुले उक्त प्रतिवेदन सम्प्रेषण गर्ने कार्यमा सहजीकरण गर्नुहुन अनुरोध छ ।
मिति : २०७६/०३/३१ - प.सं.: ०७५ /०७६
