विश्वविद्यालय अनुदान आयोग विश्वविद्यालय समन्वय द्धारा विज्ञप्ती जारी
नेपालमा विश्वविद्यालयहरूको सञ्चालन तथा विकासका लागि आवश्यक कार्य गर्न स्थापित विश्वविद्यालय अनुदान आयोगबाट गठन भएको विश्वविद्यालय र सो सरहका स्वास्थ्य प्रतिष्ठानहरूको उपकलपति सदस्य रहने विश्वविद्यालय समन्वय समितिको मिति २०७६/१/२४ गते बसेको बैठकले पोखरा विश्वविद्यालयका उपकलपति प्राध्यापक चिरञ्जीवी प्रसाद शर्मा माथि मिति २०७६/१/१७ गते काठमाडौंको चोभारमा केही अपरिचित व्यक्तिहरूले गरेको अभद्र एवं अमानविय व्यवहार प्रति खेद प्रकट गर्दछ ।
प्राज्ञिक क्षेत्रको प्रतिष्ठा माथिनै आँच आउने गरी भएको यो दुर्व्यवहारले विश्वविद्यालय र उच्च शैक्षिक क्षेत्रको अपमान तथा मानमर्दन भएको हुँदा प्राज्ञिक जगत स्तब्ध भएको छ । जुन सुकै समस्याको समाधान प्रचलित कानुन बमोजिम उचित विधि र प्रक्रिया अनसार खोजिन पर्नेमा काननी राज्यको उपहास हुने गरी भएको उक्त घटना निन्दनिय छ । विश्वविद्यालयको प्राज्ञिक मयांदामा आघात पुग्ने गरी भएको यो निन्दनीय घटनामा संलग्न व्यक्तिहरूको अबिलम्ब पहिचान गरी दोषीमाथि कानून बमोजिमको कार्वाहीका लागि विश्वविद्यालय समन्वय समिति सम्बन्धित निकायलाई अनुरोध गर्दछ ।
