शैक्षिक प्रविधि शाखाको प्राविधिक धार सञ्चालन गर्ने सम्बन्धी सूचना

विद्यालय तहमा प्राविधिक तथा व्यावसायिक शिक्षा विस्तार गर्ने नेपाल सरकारको नीति रहेबमोजिम शैक्षिक सत्र २०७६ देखि कक्षा ९ मा प्राविधिक तथा व्यावसायिक धार सञ्चालन गर्न अनुदान दिने सम्बन्धी केन्द्रीय निर्देशक समितिको मिति २०७६/०१/०२ को निर्णय अनुसार छनोट भएका स्थानीय तह र विद्यालयहरूको सूची सार्वजनिक गरिसकिएको छ । उक्त सूचीमा रहेका विद्यालयहरूलाई तपसिलका बुँदामा निम्नलिखित सर्तहरू पुरा गरी यथाशीघ्र पठनपाठन प्रक्रिया सुरू गर्न/गराउनु हुन सम्बन्धित सबैलाई यसै सूचनाद्वारा जानकारी गराइन्छ ।

तपसिल:

क) अनुदान प्राप्त गर्ने विद्यालयले कक्षा सञ्चालन गर्ने अनुमति सम्बन्धित स्थानीय तहबाट लिइएको हुनुपर्ने,

ख) शैक्षिक सत्र २०७६ बाट नै कक्षा ९ देखि प्राविधिक तथा व्यावसायिक धारको कक्षा सञ्चालन गर्ने गरी विद्यार्थी मर्ना प्रक्रिया सुरू गर्ने । यसरी भर्ना गर्दा एउटा कक्षामा अधिकतम ४५ जना विद्यार्थीलाई मात्र समावेश गर्ने । अनुदान एक समूहका लागि मात्र उपलब्ध गराइने छ,

ग) सम्बन्धित विषयमा अध्यापन गराउन माध्यमिक शिक्षक तृतीय सरहको प्रशिक्षक एक जना र निम्न माध्यमिक शिक्षक तृतीय सरहको सहायक प्रशिक्षक एक जनाको नियुक्ति विद्यालय आफैँले गर्नुपर्ने छ ।

योग्यता:

• प्रशिक्षकको हकमा सम्बन्धित विषयमा कम्तीमा स्नातक गरेको र
• सहायक प्रशिक्षकको हकमा कम्तीमा एक, सम्बन्धित विषयमा डिप्लोमा (Diploma) वा सो सरह उत्तीर्ण गरेको ।

घ) अनुदान निम्नलिखित शीर्षकमा सम्बन्धित स्थानीय तहमा जाने भएकाले स्थानीय तहसँग समन्वय गर्ने

अनुदान उपलब्ध हुने शीर्षक

प्रशिक्षक अनुदान- मा.शि. तृतीय सरह

सहायक प्रशिक्षक अनुदान - नि.मा.वि. तृतीय सरह

ल्याब स्थापना अनुदान:

ङ) प्राविधिक तथा व्यावसायिक शिक्षाको पाठ्यक्रम पाठ्यक्रम विकास केन्द्रको Website: www.moecdc.gov.np मा र विद्यालय तहमा प्राविधिक तथा व्यावसायिक शिक्षा सञ्चालन निर्देशिका (दोस्रो संसोधन) २०६९, व्यावहारिक अभ्यास निर्देशिका २०७३, लगायतका अन्य सामग्री शिक्षा तथा मावनस्रोत विकास केन्द्रको Website: www.doe.gov.np मा हेर्न र डाउनलोड गर्न सकिनेछ । 

द्रष्टव्य: तोकिएको पूर्वाधार नपुगेको र पाठ्यक्रमले तोकेबमोजिम पठन पाठन सञ्चालन नभएको देखिएमा जुनसुकै समयमा अनुदान रोक्का गर्न सकिनेछ ।