सामुदायिक विद्यालयमा प्राविधिक धारतर्फको कक्षा ११ थप गर्ने सम्बन्धी सूचना
शिक्षा तथा मानवस्रोत विकास केन्द्रद्वारा विगतमा सामुदायिक विद्यालयहरूमा प्राविधिक धारतर्फको कक्षा ९-१० सञ्चालन अनुमति प्राप्त गरी क्रमशः २०७५ सालको एसइइ परीक्षा र कक्षा ११ को अन्तिम परीक्षामा सहभागी भएका विद्यालयहरूमा शैक्षिक सत्र २०७६ मा कक्षा ११ र १२ थप गर्ने अनुमति दिने सम्बन्धमा तपसिल बमोजिम हुन अनुरोध गरिन्छ ।
१. पूर्वाधार पुरा गरेका विद्यालयहरूलाई स्थानीय सरकार सञ्चालन ऐन, २०७४ र प्रचलित अन्य कानुन र निर्देशिका बमोजिम आवश्यकता र औचित्यका आधारमा सम्बन्धित स्थानीय तहहरूले निर्णय गरी कक्षा ११ र १२ थप अनुमति प्रदान गर्न सक्ने,
२. सम्बन्धित स्थानीय तहबाट तोकिएको प्रक्रिया पुरा गरी प्राविधिक धारको कक्षा ११ र १२ थप गर्ने अनुमति लिई यस केन्द्रबाट अनुदान प्राप्त गर्न चाहने विद्यालयहरूले निम्नानुसारको मापदण्ड तथा पूर्वाधार पुरा गर्नुपर्ने हुँदा सो पुरा गरे नगरेको अनुगमन गर्नुहुन र तोकिएको मापदण्ड पुरा नगरेको पाइएमा त्यस्ता विद्यालयहरूलाई अनुदान प्रदान गर्न बाध्य नहुने व्यहोरासमेत अवगत गराइदिनुहुन, मापदण्ड तथा पूर्वाधार
क) विषय क्षेत्रगत पूर्वाधार: विद्यालयले प्राविधिक घार सञ्चालन अनुमति लिँदा शिक्षा तथा मानवस्रोतसँग गरेको सम्झौतामा उल्लेख भए अनुसारको प्रयोगशाला, पुस्तकालय, कक्षाकोठा तथा आवश्यकता अनुसारको फिल्डको व्यवस्थापन गरेको,
ख) उपलब्ध स्रोतको व्यवस्थापन: शिक्षा तथा मानव्रोतबाट प्रदान गरिएको प्रयोगशाला व्यवस्थापन, प्रति विद्यार्थी अनुदान तथा प्रशिक्षक/शिक्षक व्यवस्थापन लगायतका शीर्षकमा उपलब्ध स्रोत साधनको व्यवस्थापन नियमानुसार भएको ।
ग) विद्यार्थी सङ्ख्या: कक्षा ११ का लागि २०७५ सालको एसइइ परीक्षामा जिपिए १.६ वा सोभन्दा बढी जिपिए ल्याउने १५ वा सोभन्दा बढी विद्यार्थी मएको र कक्षा ११ मा न्यूनतम १५ जना विद्यार्थी भर्ना हुने अवस्था रहेको तथा कक्षा १२ को हकमा राष्ट्रिय परीक्षा बोर्डले सञ्चालन गरेको अन्तिम परीक्षामा सहभागी भएको ।
घ) विद्यालयको कार्ययोजना र प्रतिबद्धता: प्राविधिक धारतर्फ कक्षा ११ र १२ सञ्चालन गर्न विद्यालयले गरेको पूर्व तयारी, विद्यालय व्यवस्थापन समितिको निर्णय र प्रतिबद्धता तथा सोको कार्य योजना, बुँदा नं. २ मा उल्लिखित अनुसारका पूर्वाधार तथा मापदण्ड पुरा भएको आधारमा स्थानीय तहबाट अनुमति प्राप्त गर्ने विद्यालयहरूलाई नियमानुसारको अनुदान प्राप्त गर्न सम्बन्धित स्थानीय तहले दिएको कक्षा ११ र १२ थप गर्ने अनुमति पत्र र अनुदान प्रदान गर्न स्थानीय तहले दिएको
३. सिफारिस पत्रसमेत शिक्षा विकास तथा समन्वय इकाइमा पेस गर्न लगाउने । शिक्षा विकास तथा समन्वय इकाइले स्थानीय तहसँगको समन्वयमा तोकिएको मापदण्ड पुरा भए नभएको व्यहोरा खुल्ने विद्यालय अनुगमनको प्रतिवेदन र अनुदान दिन उपयुक्त छ छैन भनी किटानी रायसमेत यस शिक्षा तथा मानवस्रोत विकास केन्द्रमा पठाउने व्यवस्था हुन सम्बन्धित स्थानीय तह र विद्यालयहरूलाई अनुरोध छ । साथै सम्बन्धित शिक्षा विकास तथा समन्वय इकाइहरूलाई उपरोक्तअनुसार गर्नसमेतका लागि आवश्यक समन्वय गर्न/गराउनहुन अनुरोध छ।
