माध्यमिक तहमा प्राविधिक धार सञ्चालन गर्ने सम्बन्धी जानकारी

नेपाल सरकार शिक्षा,विज्ञान तथा प्रविधि मन्त्रालय शिक्षा तथा मानव स्रोत बिकास केन्द्र, शैक्षिक प्रविधि शाखा 

विषय: प्राविधिक धार सञ्चालन गर्ने सम्बन्धी जानकारी ।

प्रस्तुत विषयमा विद्यालय तहमा प्राविधिक तथा व्यावसायिक शिक्षा विस्तार गर्ने नेपाल सरकारको नीति बमोजिम शैक्षिक सत्र २०७६ देखि कक्षा ९ मा प्राविधिक तथा व्यावसायिक धार सञ्चालन गर्न अनुदान दिने सम्बन्धी केन्द्रीय निर्देशक समितिको मिति २०७६: ०१:०२ को निर्णय अनुसार छनोट भएका स्थानीय तह र विद्यालयहरूको सूची सार्वजनिक गरि सकिएको छ ।
सूचीमा उल्लेखित विद्यालयहरूलाई तपसिलका बुँदामा उल्लेखित सर्तहरू पुरा गरी यथाशीघ्र पठनपाठन प्रक्रिया सुरु गर्नु गराउनुहुन सम्बन्धित सबैलाई जानकारी गराइएको छ ।

ज्ञानेन्द्र प्रसाद भट्ट
शाखा अधिकत

तपसिल

क) अनुदान प्राप्त गर्ने विद्यालयले कक्षा सञ्चालन गर्ने अनुमति सम्बन्धित स्थानीय तहबाट लिइएको हुनुपर्ने ।

ख) शैक्षिक सत्र २०७६ बाट नै कक्षा ९ देखि प्राविधिक तथा व्यावसायिक धारको कक्षा सञ्चालन गर्ने गरी विद्यार्थी भर्ना प्रक्रिया सुरु गर्ने । एउटा कक्षामा अधिकतम ४८ जना सम्म मात्र समावेश गर्ने । अनुदान एक समूहका लागि मात्र उपलब्ध गराइने छ ।

ग) सम्बन्धित विषयमा अध्यापन गराउने माध्यमिक शिक्षक तृतीय सरहको प्रशिक्षक एक जना र निम्न माध्यमिक शिक्षक तृतीय सरहको सहायक प्रशिक्षक एक जनाको नियुक्ति विद्यालय आफैँले गर्नुपर्ने छ ।

योग्यता :-

• प्रशिक्षकको हकमा सम्बन्धित विषयमा कम्तीमा स्तातक गरेको र
• सहायक पशिक्षकको हकमा कम्तीमा एक, सम्बन्धित विषयमा डिप्लोमा (CTEVT) वा सो सरह 

घ) अनुदान निम्न शिर्षकमा सम्बन्धित स्थानीय तहमा जाने भएकोले स्थानीय तहसँग समन्वय गर्ने

अनुदान उपलब्ध हुने शिर्षक:

• प्रशिक्षक अनुदान- मा.शि. तृतीय सरह
• सहायक प्रशिक्षक अनुदान - नि. मा.शि. तृतीय सरह
• ल्याब स्थापना अनुदान

ङ) प्राविधिक तथा व्यावसायिक शिक्षाको पाठयक्रम पाठयक्रम विकास केन्द्रको Website: www.moecdc.gov.np  मा र विद्यालय तहमा प्राविधिक तथा व्यावसायिक शिक्षा सञ्चालन निर्देशिका (दोस्रो संसोधन) २०६९, व्यावहारिक अभ्यास निर्देशिका २०७३, लगायतका अन्य सामग्री शिक्षा तथा मावन य्रयोत विकास केन्द्रको www.doe.gov.np मा हेर्न र डाउनलोड गर्न सकिनेछ ।

नोट : तोकिएको पूर्वाधार नपुगेको र पाठ्यक्रमले तोकेबमोजिम पठन पाठन सञ्चालन नभएको देखिएमा जुनसुकै समयमा अनुदान रोक्का गर्न सकिनेछ ।

फोन : ६-६३८८५३

फ्याक्स : ६-६३५११३

मिति : २०७६/०१/०८