तोकिएको सेवा सुविधा पाउन योग्य साविकका अस्थायी शिक्षकहरुलाई जरुरी सूचना

तोकिएको सेवा सुविधा पाउन योग्य साविकका अस्थायी शिक्षकहरुलाई जरुरी सूचना:

शिक्षा तथा मानवस्रोत विकास केन्द्रको च.नं. १४२, १५५, १६७ मिति २०७५१२।२५ मिति २०७६॥०१२० र मिति २०७६०२।०३ का पत्रबाट अस्थायी शिक्षकका रूपमा कार्यरत रही शिक्षा ऐन, २०२८ संशोधनसहितको दफा ११च को उपदफा (१०) र सोही दफाको उपदफा (९) अनुसार अवकाश हुने शिक्षकहरूले पाउने सुविधा सम्बन्धी विवरण विद्यालय शिक्षक कितावखानामा पठाउन भनिएकोमा हालसम्म केही जिल्लाका लक्षित शिक्षकको विवरण प्राप्त नभएको र निवेदन नबुझाएको बुझिन आएकाले त्यस्ता लक्षित शिक्षकहरूले सम्बन्धित शिक्षा विकास तथा समन्वय इकाइमा अविलम्व विवरणसहितको निवेदन बुझाउनु हुन अन्तिम पटक ताकेता गरिएको व्यहोरा अनुरोध छ।

पुनश्च: माथिको सूचना अनुसार तोकिएको आवश्यक विवरणसहितको फाइल विद्यालय शिक्षक कितावखानामा प्राप्त नभई सेवा सुविधाबाट वञ्चित हुन गएमा सम्बन्धित शिक्षक नै जिम्मेवार हुने व्यहोरासमेत अनुरोध छ । साथै सम्बन्धित शिक्षा विकास तथा समन्वय इकाइहरूले यसै सूचनालाई आधार मानी त्यस्ता अस्थायी शिक्षकहरूलाई सूचना सम्प्रेषण गरिदिनुहुन र उक्त सुविधा पाउन योग्य अस्थायी शिक्षकहरूको आवश्यक कागजात रहेको व्यक्तिगत फाइलसहितको समष्टिगत विवरण प्रमाणित गरी पठाउन हुन अनुरोध छ।