अस्थायी शिक्षकको सुविधा सम्बन्धी अत्यन्त जरुरी सूचना: शि.मा.स्रो.वि.केन्द्र

शिक्षा तथा मानव स्रोत विकास केन्द्र, शिक्षक व्यवस्थापन समन्वय शाखा सानोठिमी, भक्तपुर

विषयः अस्थायी शिक्षकको सुविधा सम्बन्धी अत्यन्त जरुरी सूचना ।

श्री शिक्षा विकास तथा समन्वय इकाइ सबै । 

यस केन्द्रको च. नं. १४२ मिति २०७५।१२।२५ र च. नं. १५५ मिति २०७६।०१।२० को पत्रबाट समेत अस्थायी शिक्षकको रुपमा कार्यरत रही शिक्षा ऐन २०२८ (संशोधन सहित) को दफा ११च को उपदफा (१०) र सोही दफाको उपदफा (९) अनुसार अवकास हुने शिक्षकहरुले पाउने सुविधाको सम्बन्धमा तोकिए बमोजिमका कागजात सहितका विवरण एकमुष्ट विद्यालय शिक्षक कितावखानामा पठाउन भनिएकोमा हाल उक्त सुविधा शिक्षक कितावखानाबाट वितरण भई रहेको र केही जिल्लाबाट त्यस्ता शिक्षकको सुविधा सम्बन्धी फाइल प्राप्त नभएको जानकारी आएको हुँदा अविलम्व त्यस्ता शिक्षकको आवश्यक विवरण सहितको फाइल शिक्षक कितावखानामा पठाउन हुन जानकारी गराइएको छ । समयमा फाइल प्राप्त नभई सुविधाबाट बञ्चित हुन गएमा सम्बन्धित पदाधिकारी नै जवाफदेही हुने व्यहोरा निर्देशानुसार अनुरोध छ |

बोधार्थ

श्री शिक्षा, विज्ञान तथा प्रविधि मंत्रालय, सिंहदरबार काठमाडौं ।

श्री विद्यालय शिक्षक कितावखाना, ताहाचल, काठमाडौं |

भुवनेश्वर जोशी

शाखा अधिकृत

मितिः २०७६।०२।०३